بازاری عورت - رومانس کے بارے میں

Copied "بازاری عورت" آپ پچھلے آدھے گھنٹے سے میرے پاس ایسے ہی بیٹھے ہیں، ہمارا وقت قیمتی ہوتا ہے ، اگر کوئی مسلہ ہے تو بتائئں ورنہ باہر جا کر کسی دوسرے کو بھیجیں- بس دس منٹ اور بیٹھوں گا لیکن ایک وعدہ کرو : میرے دوستوں کو مت بتانا کہ میں ایسے ہی بیٹھا رہا- "یہ کیا بات ہوئی ، اگر آپ ایسا کام پسند نہیں کرتے تو اندر کیوں آئے؟ " بس دوستوں کا اسرار تھا اس لیے- "کمال ہے! آپ تو فرشتہ ہیں پھر" نہیں ، میں فرشتہ نہیں ہوں، میں بھی دوسروں کی طرح ہی ہوں- "تو کیا مجھ میں کوئی کمی ہے؟" نہیں تم میں کوئی کمی نہیں ہے- "تو پھر؟" تم صرف جسم ہو ، تمہارے اندر سے عورت کا رومانس ختم ہو چکا ہے- رب نے کائنات میں کروڑوں حسن رکھے ہیں جن میں عورت "اشرف الحسن" ہے- حسن پردے میں ہے اور عورت جب بکتی ہے تو "اشرف الحسن" کے مقام سے نیچے گر کر صرف جسم رہ جاتی ہے- میں رومانس میں ساری ساری رات صرف باتیں کرتے ہوئے گزار سکتا ہوں- غالب نے کیا تھا : بیٹھ کر رات بھر پہلو میں یار کے غالب جو کچھ نہیں کرتے کمال کرتے ہیں- میں اسے کمال نہیں سمجھتا، انسان میری طرح جب جسم کے بجائے رومانس پسند ہو تو اس کے لئے کوئی کمال نہیں، بلکہ بہت سہل ہے- عورت چودہویں کا چاند ہے لیکن جب وہ بکتی ہے تو اس کی چاندنی اڑ جاتی ہے اور پیچھے صرف پتھر رہ جاتا ہے- تمہارا حسن صرف پتھر ہے-چاند کا پتھر---جس کی روشنی اڑ چکی ہے اور میں پتھر میں موجود روشنی کا پجاری ہوں-"